Aanvullende Mediesefondsprodukte

Maandag, Februarie 16th, 2015

Aan jou gebring deur Medihelp. Kyk gerus na ons sakpas voordele-opsies by www.medihelp.co.za of SMS “solidariteit” na 32291.

Alhoewel ’n mediesefonds noodsaaklik is sodat jy die beste mediese behandeling kan ontvang, moet jy nooit aanvaar dat jou mediese skema die volle koste van operasies en prosedures in die hospitaal sal dek nie.
Mediese skemas betaal dokters en spesialiste teen ’n vasgestelde tarief, maar baie mediese praktisyns hef tot 300% meer as wat skemas betaal. Dit veroorsaak ’n gaping tussen die koste van die diens en die bedrag wat die mediese skema betaal. Jy is aanspreeklik vir hierdie verskil.
Daarom is gapingsdekking noodsaaklik, want dit bied jou die gemoedsrus dat jou rekenings betaal sal word as jou dokters se tariewe die skema se voordele oorskry.
Mediese skemas kan ook verpligte bybetalings vereis op sekere dienste wat binne en buite die hospitaal uitgevoer word. Hierdie bybetalings is betaalbaar uit jou mediese spaarrekening, indien jy een het, of deur jouself en word ten volle deur gapingsdekking gedek.

Verskeie gapingsdekkingsprodukte is beskikbaar wat die volgende voordele bied:
–    Gapingsdekkingsprodukte versterk mediese skemas se voordele.
–    Bykomende gapingsdekking van tot 500% meer as die mediese skema se tarief kan voorsien word.
–    Sekere gapingsdekkingsopsies bied bykomende dekking vir bybetalings en buitepasiëntdienste soos MR- en RT-skanderings, asook aanvullende dekking vir onkologie en sekere dienste wat in die hospitaal uitgevoer word en aan sublimiete onderhewig is.
–    Gapingsdekking is nie ontwerp om bykomende voordele vir dag-tot-dag-uitgawes te bied nie, maar wel vir mediese uitgawes wat in die hospitaal aangegaan word.

  •  
  •  
  •  
  •  

Ander Artikels

Maak só jou eie kompos
Ronéll van Rooyen   In ons tuinmaakartikels leer ons om moue op te rol, hoed op te sit en ons hande goed vuil te kry in die vrugbare grond van ons eie organiese groentetuine. Hierdie artikel is nie anders nie, maar juis gerig op die kern van alle tuine, nl. die kompos. Sonder goeie grond […]
Wat om te doen as jy verkrag is
Anja van den Berg   Alhoewel die akkuraatheid van statistieke oor verkragting in Suid-Afrika deur verskeie organisasies bevraagteken word, is onsedelike aanranding duidelik ʼn ernstige probleem in die land. Statistieke wat deur die Suid-Afrikaanse Polisiediens verskaf is, toon dat 42 596 verkragtings in 2015/16 aangemeld is. Die grootste faktor wat bepaal hoe mense op verkragting reageer, […]
Wat weet jy regtig oor beroerte?
Beroerte is die derde algemeenste oorsaak van dood en die vernaamste oorsaak van gestremdheid in Suid-Afrika. Omdat die kanse goed is dat iemand na aan jou eendag ’n beroerte sal kry, is dit ’n goeie idee om toegerus te wees sodat jy dit kan herken en in hulle behoeftes kan voorsien, indien nodig.   Wat […]
1 2 3 202