Daar is voordelige insekte in jou tuin

Vrydag, April 21st, 2017

Ronéll van Rooyen

 

Vir die organiese groentetuinier is enige teken van insekte of knaagdiere ʼn oorlogsverklaring. Dit is egter interessant om te weet dat sommige insekte ander insekte weghou van jou kosbare groente af. Dus moet jy maar jou opsies oorweeg oor watter insek toegelaat gaan word om saam te eet, so nie moet hulle organies bespuit word.

 

Sweefvlieë

Dis geel-en-swart vlieënde insekte wat hulle eiers tussen kolonies plantluise lê. Dit klink na ekstra moeite om hulle ook te verwyder, maar wanneer hierdie eiers uitbroei, sal die larwes die plantluise opvreet.

 

Skilpadjies

Daar is verkillende tipes maar die algemeenstes is rooi-en-swart of net swart. Hulle vreet plantluise, dopluise, witluise en Australiese besies, maar word deur miere bedreig.

 

Hotnotsgot / Hottentotsgot

Hierdie insek leef van plantluise en sprinkane. Die eiers in die wit eiersak word aan die plant se stingel geheg sodat die nuwelinge dadelik aan die luise kan knibbel.

 

Spinnekoppe

Alle tipes spinnekoppe vreet insekte en beheer dus plae.

 

Perdebye

Sekere perdebye lê hulle eiers in die verlamde of dooie insek sodat kos byderhand is. Hulle vreet verskeie insekte soos ruspes, kewers en ander groter insekte.

Ander voordelige insekte sluit in miskruiers, wat ʼn groot rol in die veld speel, roofvlieë, naaldekokers ens. wat insekte as voedsel vir hulself of hulle larwes gebruik.

 

Swamsiektes

Wanneer blare verkleur of stingels vrot of swart word, is dit ʼn teken van swamsiektes. Dis iets wat moeilik is om te beheer, soos ook by mense. Die beste manier is om siektebestande variëteite te gebruik, goeie dreinering te verseker en nie groente twee seisoene na mekaar in daardie besmette grond plant nie. Daar is ook chemiese spuitstowwe wat gebruik kan word.

 

Lok voëls na jou tuin

Daar is ʼn paar nuttige insekvreters wat jou ook met jou plaeprobleem kan help, nl

laksmanne, kwikstertjies, swaeltjies, witogies en selfs verkleurmannetjies. Bye bestry nie plae nie maar is nuttig vir bestuiwing, wat ʼn belangrike faktor in die kweek van vrugte is.

Elke insek maak deel uit van ʼn groter ekosisteem en dis belangrik dat mens nie die sisteme versteur deur sekere vlakke van die voedselketting totaal te verwyder nie. Ongelukkig is die groentetuin en roosbome ʼn heerlike deel van die voedselketting vir baie insekte, maar wees wys en lok hulle weg na ander akkers. Elke tuin is uniek en dis altyd raadsaam om soveel kennis as moontlik in te win, selfs deur aangetaste blare na die kwekery te neem vir raad. Geniet die tuinmaak!

 

Bronne

Christine and Michael Lavelle, 2011, “The organic gardener. How to create flower, vegetable, herb and fruit gardens using completely natural techniques“.

J.G. Simpson, 1995, “Kos uit die tuin. ‘n Suider-Afrikaanse gids om jou eie vrugte, groente en kruie te kweek”.

Margaret Roberts, 2009, Plantmaats.

Dick & James Strawbridge, 2010, “Practical Self-sufficiency. The complete guide to sustainable living.”

  •  
  •  
  •  
  •  

Ander Artikels

Skildklier en menopouse: Verwarring van simptome
Volgens die American Association of Clinical Endocrinologists (AACE) ly miljoene vroue met menopousale simptome, selfs dié wat estrogeen gebruik, dalk aan ongediagnoseerde skildkliersiekte. Hoewel simptome soos moegheid, depressie, buiwisselings en slaapversteuring dikwels met menopouse geassosieer word, kan dit ook tekens wees van skildkliertekort. ʼn Opname deur die AACE het getoon dat net een uit elke […]
Watter posisie is die beste om in te slaap?
Dit is heel waarskynlik dat daar een ding omtrent jou slaaproetine is wat redelik bestendig is. Selfs al varieer jou slapenstyd elke aand, of jy word elke oggend op verskillende tye wakker, is daar moontlik een posisie wat jy verkies om in te slaap. Ongelukkig mag die posisie wat jy die gemaklikste vind, uiteindelik gesondheidsprobleme […]
Toetse en skanderings wat jou lewe kan red
Jou gesondheid is jou grootste bate, daarom moet jy net soveel tyd aan jou gesondheid bestee as aan jou sukses en welvaart. Maar waar begin jy en wat kan jy hier en nou doen? Soos die spreekwoord lui: voorkoming is beter as genesing. Voorkoming deur middel van toetse en skanderings is nie net beter nie, […]
1 2 3 227